كل يوم بتستلم كراتين لحوم وتوابل وخضار، وفي نفس الوقت بيضيع جزء منهم بسبب التلف أو السهو. وفي النهاية بتلاقي نفسك بتسأل: الفلوس راحت فين؟ لو عندك محل مشويات، إدارة مخازن المشويات مش بس خطوة مهمة، دي العامل الأساسي اللي هيحدد إذا كنت هتكسب ولا تخسر. في المقال ده، هنعرفك إزاي تنظم مخازن المشويات بتاعتك وتحافظ عليها، وتقلل الخساير خطوة بخطوة.
02- مخازن المشويات
مش كل خسارة بتبان في الدفاتر.
مطعمك مش بيقع عشان الطعم.. الخطر الحقيقي في المخزن! فيه كتير من أصحاب محلات المشويات أول ما يشوفوا المبيعات بتقل، أو الأرباح مش بتغطي التكاليف، أول حاجة بيفكروا فيها: “الطعم؟ الخدمة؟ العروض؟”، وبيبدأوا يعدلوا في الحاجات دي. بس الحقيقة؟ المشكلة مش دايمًا في وش المحل… المشكلة ساعات بتبدأ من جوّه.
من المخزن.
● لما اللحمة تبوظ عشان حد نسي يقفل الفريزر كويس.
● لما تشتري كمية كبيرة وما تتباعش وتترمي.
● لما تلاقي نفسك بتعيد شراء نفس الحاجة وانت لسه عندك منها.
● أو لما يطلع عندك عامل مش بيحسبها صح، فيطلب ضعف الكمية أو يخلط بين الطلبات.
كل ده اسمه نزيف صامت… بياكل من مكسبك وانت مش واخد بالك. عشان كده، لو عايز تحافظ على شغلك، لازم تركز على المكان اللي بيبدأ منه كل طبق…المخزن.
ودي أخطر مشاكل منتشرة في مخازن محلات المشويات:
1. التخزين الغلط = هدر مضمون:
- سوء التبريد، التكديس العشوائي، أو تخزين المنتجات بطريقة غير صحيحة مش بس بيبوّظ اللحمة والتتبيلات، لكن بيبوّظ سمعة مطعمك كمان.
- تتبيلات بتفقد نكهتها، لحمة بتتجمد وتتكرر تجميدها، والمنتجات بتفقد طراوتها وجودتها قبل ما توصل للزبون.
- عدم الالتزام بتواريخ الصلاحية معناه خسارة يومية متراكمة بفلوس بتترمى في الزبالة.
- النتيجة؟ خسارة في المال وثقة الزبائن اللي مش هيرجعوا لنفس الطعم.
2. مفيش متابعة؟ يبقى فيه سرقة أو غلط:
- غياب نظام جرد واضح أو شخص مسؤول يراقب المخزون يفتح الباب للسرقة أو الأخطاء غير المقصودة.
- تلاقي نفسك بتشتري أصناف موجودة أصلاً أو ناقصة وانت فاكرها متوفرة.
- أغلب الخساير في المطاعم بتكون من أخطاء بسيطة في الحساب أو سوء إدارة المخزون.
- إدارة المخزون “بالإحساس” بدل الأرقام والمراجعة الدقيقة = فلوس بتضيع وانت مش حاسس.
3. الإفراط في الكميات = خسارة مؤكدة
- فكرة “اشتري كمية أكبر عشان نوفر” ممكن تتحول لكارثة لما المواد الطازة زي اللحوم والتوابل تقعد لفترة طويلة وبتموت صلاحيتها.
- تغير المواسم والطلب يعني ممكن تلاقي عندك مخزون راكد مش مطلوب.
- النتيجة؟ خسارة مالية مباشرة بسبب الفاقد، وفي نفس الوقت خسارة زبائن مش بيحبوا ياكلوا حاجة مش طازة.
- الصح : اشترِ الكميات اللي تناسب حجم مبيعاتك الفعلي
4. تعيين موظفين غير مؤهلين = كارثة على الهادي
- إدارة المخزن مش شغل أي حد لازم حد فاهم يعني إيه صلاحيات المنتجات، إمتى يطلب، وإزاي يحافظ عليها.
- موظف غير مدرّب ممكن يعمل أخطاء مثل تدوين بيانات خاطئة، تخزين في مكان غلط، أو سوء تقدير للكميات المطلوبة.
- كل خطأ في المخزن بيكلف وقت، فلوس، وجودة. الاستثمار في تدريب الموظفين مهم عشان تحمي مشروعك .
5. عدم متابعة حركة السوق = خطة فاشلة قبل ما تبدأ
- أسعار اللحوم والخضار والتوابل بتتغير باستمرار، ولازم تكون متابع علشان تخطط مخزونك صح.
- شراء كميات كبيرة قبل هبوط الأسعار أو تجاهل المواسم يعني خسارة محتملة.
- لازم تكون دايمًا سابق السوق بخطوة، وتقدر تتعامل مع أي تغير في الطلب أو العرض بذكاء.
- المخزن هو المرآة اللي بتكشف تأثير أي قرار خاطئ في الوقت المناسب.
كفاية خسائر بسبب التخزين… اعرف إزاي تدير مخزونك صح
لو كل يوم بتعدّ خسائرك ومش فاهم راحت فين… الحل مش دايمًا في البيع، أوقات بيبدأ من جوه المخزن.
1.ليه لازم تهتم بإدارة المخزون في محل المشويات؟
أول خطوة تتحكم في شغلك بجد؟ تبدأ من إدارة المخزون.لأنها واحدة من أهم عوامل النجاح في أي مطعم، خصوصًا لو شغلك بيعتمد على منتجات طازة بتبوظ بسرعة زي اللحوم والتتبيلات. لإن لو اللحمة بتبوظ قبل ما تتشوي… يبقى الفلوس بتتبخر قبل ما تدخل الدرج. لكن لما تدير مخزونك صح،
المكاسب بتبدأ تظهر فورًا من خلال:
1. مصاريف أقل من غير ما تقصر في الجودة
هتشتري الكميات المناسبة بالظبط، من غير زيادة ترجع تترمي أو تنتهي صلاحيتها.
فبالتالى الفلوس اللي كانت بتضيع في الهالك أو في شراء نفس الصنف مرتين هترجع لحسابك.
2. جودة ثابتة = زبون بيرجع
لما اللحمة تتخزن وتتخرج بنظام، وكل تتبيلة تتعمل بنفس المعيار، الطعم بيفضل ثابت…
والزبون بيرجعلك مش بس عشان الأكل حلو، لكن لأنه متأكد إن كل مرة هياكل نفس الجودة اللي بيحبها.
3. تحكم كامل في كل تفصيلة
مش هتستنى اللحظة اللي تكتشف فيها إن في صنف ناقص أو حاجة بايظة.
كل حاجة متسجلة، معروفة، وفي نظام ماشي: من أول الفراخ لحد التوابل.
4. استعداد لأي ضغط أو موسم
لو العيد قرّب أو عندك موسم شغل تقيل، مش هتتزنق ولا هتلف على الموردين في آخر لحظة.
هتبقى جاهز، لأنك ببساطة:
- عارف إيه عندك
- عارف إيه ناقص
- وعارف إمتى تطلب
وبالتالي، إدارة المخزون مش رفاهية، ولا شطارة محاسبة…
دي أساس أي مطعم ناجح، وفرق كبير بين محل “واقف على رجل” ومحل بيعدّ أيامه.
2. مش بس تخزين.. ده فن إدارة مخزون
لو عايز تبدأ تتحكم في مخزونك وتقلل الهدر والخساير، مش لازم تعقّد الموضوع. فيه خطوات بسيطة وسهلة تقدر تبدأ بيها اليوم:
1.صنّف مخزونك بوضوح:
تصنيف المخزون بوضوح بيخليك تسيطر على شغلك بسهولة. قسّم المنتجات على حسب سرعة بيعها:
- اللي بتخلص بسرعة: زي اللحوم الطازة والتتبيلات، دول لازم تكون دايمًا متابعهم أول بأول.
- اللي ليها حركة متوسطة: الحاجات اللي بتتباع بنظام مش سريع ولا بطيء.
- اللي راكدة: زي التوابل الجافة والمنتجات اللي بتتحرك ببطء.
التمييز بين الفئات دي هيساعدك تحدد أولويات الشراء، وتقلل الهدر، وكمان يسهل عليك الجرد والمتابعة.
2.تابع تواريخ الصلاحية يوم بيوم:
تابع تواريخ الصلاحية يوم بيوم وماتسيبش حاجة تتعدى تاريخها. اعمل جدول بسيط أو استخدم تطبيق يساعدك تتابع لازم يكون عندك جدول أو ورقة متابعة واضحة كده هتقلل خسائر الهالك بشكل كبير:
- اعرف كل منتج إمتى هيخلص صلاحيته.
- خليك دايمًا تستخدم المنتجات الأقدم أولًا.
- حدد تنبيهات أو ملاحظات تذكرك قبل ما أي حاجة تبوظ.
ده هيساعدك تحافظ على جودة منتجاتك ويقلل الفاقد بوضوح.
3.اعمل جرد دوري (اسبوعي وشهري):
الجرد مش عدّ… ده كشف حساب يومي لخسايرك! كتير من أصحاب المطاعم بيعملوا الجرد كأنه واجب والسلام…بس الحقيقة؟
الجرد مش عملية محاسبية روتينية ده رادار الخطر اللي بيكشفلك المصايب قبل ما تكبر.
لما تعمل جرد دوري منتظم (أسبوعي وشهري)، بتعرف الكميات الحقيقية، وتكتشف إذا كان في نقص أو زيادة أو أي مشاكل تانية.
ده بيخليك تقدر:
- تتجنب شراء حاجات مش محتاجها
- تكتشف المنتجات القريبة من انتهاء الصلاحية
- تقلل الهالك وتحافظ على جودة منتجاتك
إزاي الجرد الغلط بيكلفك… وإزاي تصلحه؟
| المشكلة | التأثير المالي | الحل المقترح |
|---|---|---|
| نقص في الجرد | فقدان منتجات وعدم تلبية طلبات الزبائن | تنظيم جرد دوري دقيق |
| زيادة في المخزون | تخزين زائد وهدر مالي | ضبط حد أدنى وأقصى للطلبات |
| أخطاء في التسجيل | بيانات غير دقيقة تسبب اختلال المخزون | تدريب الموظفين واستخدام برامج متابعة |
4.ثبت حد أدنى وحد أقصى للطلبات:
مش كل مرة تشتري فيها نفس الكمية. خلي عندك حد أدنى وأقصى لكل صنف حسب مبيعاتك الحقيقية، علشان ماتشتريش زيادة ولا يقلّ المخزون لدرجة ينفذ.
وعشان ماتغلطش في كمية الطلبات:
- حدد كمية دنيا لكل منتج لازم تكون موجودة في المخزن.
- كمان حدد كمية قصوى ما تتخطاهاش علشان ماتجيبش زيادة تتلف.
- استخدم بيانات المبيعات لتحديد الأرقام بدقة.
الخطوة دي بتساعدك تحقق توازن بين تلبية الطلب و تقليل الهدر.
5.درب العامل المسؤول عن المخزون:
موظف المخزن لازم يكون فاهم إزاي يتعامل مع المنتجات، يقدر يفرق بين الصالح والفاسد، ويعرف أهمية متابعة التواريخ والجرد.
علشان كد لازم يكون مدرب كويس إنه:
- يعرف أهمية كل منتج وصلاحيته.
- يتعلم طرق التخزين الصحيحة.
- يكون ملتزم بجرد دوري ومتابعة التواريخ.
- يقدر يتعامل مع أي مشكلة فورًا.
التدريب الصحيح بيقلل الأخطاء وبيرفع جودة الإدارة.
6.استلم الشحنات بعينك مش بثقتك:
أكتر غلطة بيقع فيها أصحاب مطاعم المشويات؟ إنهم يسيبوا استلام الشحنة للعامل أو الثقة، وده أول باب بيتهدر منه الفلوس.
- ممكن توصللك لحمة أقل من اللي طلبته
- أو توابل قربت تنتهي صلاحيتها
- أو منتجات مش بنفس الجودة اللي متفق عليها
ولو ما فتحتش كرتونة كرتونة، ومسكْت الصنف بإيدك، هتتفاجأ بعد كده بمشاكل في الطعم أو نقص في الكمية، وتفتكر إن العيب في المخزن… لكن الحقيقة؟ العيب دخل من الباب من أول لحظة.
✅ الحل؟
- خصص شخص مدرّب أو استلم بنفسك
- راجع الكمية والنوع والتواريخ قبل ما توقّع
- ولو في حاجة مش مطابقة، ما تخجلش ترجعها
استلام الشحنة هو أول نقطة في سلسلة الجودة… لو اتعدّت، كل اللي بعدها هيقع.
7.نظم التخزين داخل الفريزر والثلاجات:
مش أي حاجة دخلت الفريزر تبقى محفوظة… التنظيم جوّه التجميد هو اللي بيحافظ على جودة المنتج ويمنع الهدر.
لو اللحوم مرصوصة فوق بعض، أو التتبيلات متكدسة من غير ترتيب، هتلاقي نفسك بتنسى الحاجات الأقدم،
وتستخدم الأحدث… والنتيجة؟ تلف وهدر وسُمعة بتتأثر.
عشان تتفادى ده:
- طبّق نظام FIFO: اللي دخل الأول، يخرج الأول. حط القديم قدّام والجديد ورا، علشان تستخدم المنتجات بالأولوية الصح.
- استخدم صناديق شفافة أو ملصقات واضحة: عشان تقدر تميّز كل حاجة بسهولة من غير ما تفتح كل كيس.
- قسّم الفريزر لمناطق حسب النوع: لحمة لوحدها، تتبيلات، دواجن، خضار… عشان ما يحصلش خلط أو تلوث.
- راجع درجة الحرارة يوميًا: التجميد الصح لازم يكون منتظم، وأي خلل ممكن يبوّظ حمولة كاملة.
نقط بسيطة زي دي بتوفرلك كتير، وتحافظ على جودة كل قطعة لحمة بتخرج للزبون.
8.سجل هالك واضح: كل تلف له سبب
سجل يومي للهالك: صنف، الكمية، السبب (فساد/خطأ استلام/تجميد متكرر)، سجل الأسباب بانتظام وراجعها أسبوعيًا.
ومش بس تسجل كمية الهالك، لازم كمان تعرف السبب:
- هل الهالك بسبب فساد، سوء تخزين، تأخير استخدام؟
- حدد حلول عملية لكل سبب واشتغل عليها.
| الصنف | الكمية | السبب | التأثير المحتمل | الإجراء المقترح |
|---|---|---|---|---|
| لحمة مفرومة | 2 كجم | فساد بسبب سوء التبريد | خسارة مادية + ضرر للجودة | فحص درجة حرارة الفريزر يوميًا |
| تتبيلة مشويات | 1 لتر | خطأ استلام من المورد | طعم غير ثابت في الأطباق | مراجعة الشحنات لحظة الاستلام |
| دجاج متبل | 3 كجم | تجميد متكرر | تغير في القوام والطعم | ضبط عملية التخزين الداخلي |
تسجيل وتحليل الهالك هو مفتاح لتقليل الخساير على المدى الطويل.
9.اللي عينك مش شايفاه… DEXEF بيراقبه لحظة بلحظة
نسيبنا بقى من الورقة والقلم؟ أو حتى الإكسيل اللي دايمًا بيتنسي ويتلخبط؟ لو فعلًا عايز تمسك إدارة مخزون مطعمك بإيدك الاتنين، يبقى لازم تعتمد على نظام:
- ما بينساش،
- ما بيغلطش،
- وما بيعديش حاجة.
لأن ببساطة… مفيش صاحب مطعم يقدر يراقب كل رف، كل كرتونة، كل كيس… طول الوقت.
وهنا بييجي دور برنامج DEXEF كأنه عين في ضهرك:
- بيسجّل تواريخ الصلاحية بدقة، ويبعتلك تنبيهات قبل ما أي حاجة تبوظ.
- بيربط بين الأصناف والتكاليف، وبيحسب الهالك تلقائيًا.
- بيطلع تقارير لحظية: إيه خلص؟ إيه على وشك؟ وإيه راكد بقاله كتير؟
- بيراقب كل حركة جوه المخزن… من أول الاستلام لحد ما المنتج يخرج للمطبخ.
- وكمان تقدر تعرف من خلاله إمتى تطلب، تطلب قد إيه، وتتابع حركة الموردين والمشتريات لحظة بلحظة.
والميزة الأكبر؟
كل حاجة مسجّلة، وكل جنيه معروف راح فين…قبل حتى ما تسأل نفسك السؤال الشهير: “الفلوس راحت فين؟”
جرّب DEXEF وشوف الفرق بنفسك
3. بين الراكِد والفاقد… خسارتك بتحصل وانت ساكت!
الرفوف الراكدة والفاقد الصامت… هم الحفرة اللي مطعمك بيقع فيها بالراحة لو ما بتتابعش الجرد بشكل دوري.
لازم تكون عارف ان:
- الجرد الدوري مش رفاهية، بل ضرورة (أسبوعي وشهري).
- لازم تتابع الأسعار في السوق قبل ما تطلب أي كمية.
- خليك دايمًا على تواصل مع المورد، واتفاوض على شروط استرجاع الهالك.
1. الفاقد الصامت = نزيف مش باين في الحسابات
مش كل خسارة واضحة… فيه حاجات بتتسرسب يوم ورا يوم من غير ما تحس:
- لحمة اتكررت تجميدها
- تتبيلة خلصت قبل وقتها
- منتج اتفتح واتساب
- أو حتى كيس اتحط غلط واتنسى
وكل ده = فلوس خرجت من جيبك من غير ما تعدّي على الدرج.
الحل؟
سجل كل حالة فاقد بتحصل، حتى لو صغيرة.
- المنتج
- الكمية
- السبب
- التاريخ
وبعدين راجع السجلات دي كل أسبوع: هتلاقي أن فيه أخطاء بتتكرر، وساعتها تقدر تعالجها، سواء بتدريب، تنظيم، أو حتى تغيير طريقة الطلب والتخزين.
مثال عملي لتسجيل ومتابعة الفاقد
| التاريخ | المنتج | الكمية (كجم/وحدة) | السبب | ملاحظات |
|---|---|---|---|---|
| 2025-09-28 | لحمة بقري | 5 كجم | فساد بسبب حرارة غير مناسبة | ضبطت درجة حرارة الفريزر |
| 2025-09-30 | تتبيلة مشويات | 2 كجم | انتهاء صلاحية | اشتريت كمية أقل بعد كده |
| 2025-10-01 | توابل | 1 عبوة | تخزين عشوائي | رتبنا المخزن حسب FIFO |
2.المنتجات الراكدة = فلوس محبوسة في الرفوف
كل صنف قاعد مكانه وما بيتحركش… هو في الحقيقة فلوس ميتة. ليه تفضل تشتري وتتخزن حاجة الزبون مش بيطلبها؟ حلّل حركة البيع، وشوف إيه الأصناف اللي ما بتمشيش، وابدأ اسأل نفسك:
- هل المنتج مش مطلوب؟
- سعره عالي؟
- التتبيلة مش ظابطة؟
- في بديل أرخص أو أحسن؟
لأن كل رف راكد بيستهلك مساحة، كهرباء، وتجميد… وفي الآخر بيرجع يترمي.
✅ الحل؟
تابع حركة الصنف، ولو لقيته ثابت على حاله أسبوع ورا أسبوع، قلل الكمية أو وقفه مؤقتًا. وإرجع اسأل فريقك أو حتى الزبائن عنه… يمكن تعديل بسيط في الطعم يرجّعه للسوق.
نموذج بسيط لسجل المنتجات الراكدة
| الصنف | متوسط البيع الشهري | الكمية الموجودة بالمخزن | ملاحظات | القرار |
|---|---|---|---|---|
| لحمة مشوية | 20 كجم | 50 كجم | راكدة من أكثر من 15 يوم | تقليل الطلب للنصف |
| توابل مشكلة | 10 عبوات | 15 عبوة | بيع ضعيف | إيقاف شراء مؤقت |
| زيت طهي | 30 عبوة | 25 عبوة | بيع منتظم | استمرار الطلب |
4. أول خسايرك بتحصل هنا… لما تسيب مخزنك زي ما هو
المخزن هو القلب النابض لأي مطعم مشويات، وكل دقيقة تأخير أو إهمال فيه بتتحول لخسارة فعلية في أرباحك. الدراسات بتأكد إن 20-30% من خسائر المطاعم بتكون بسبب سوء إدارة المخزون،
- من تخزين غير منظم،
- إهدار في المنتجات،
- وتأخير في الجرد والمتابعة.
لما تسيب مخزنك بدون تطوير:
- بتخسر كمية كبيرة من اللحوم والتوابل بسبب التخزين الخاطئ أو انتهاء الصلاحية، وده بيكلفك آلاف الجنيهات شهريًا.
- غياب نظام متابعة واضح يخليك تكرر طلبات أصناف موجودة أصلاً، أو تشتري كميات أكبر من الحاجة، فتضيع أموالك بدون فائدة.
- ضعف الرقابة يؤدي لأخطاء بشرية أو حتى سرقات غير ملحوظة تأكل من ربحك يومًا بعد يوم.
- تأخير الجرد الدوري يمنعك من اكتشاف أي خلل أو فاقد في الوقت المناسب، فتتفاقم المشكلة وتكبر الخسائر.
التطوير مش رفاهية، ده استثمار لازم في نظام تخزين متكامل يضمن:
- تنظيم وترقيم المنتجات بدقة لتقليل الفاقد.
- جرد دوري منتظم مبني على بيانات حقيقية مش إحساس.
- متابعة مستمرة لتواريخ الصلاحية بآليات ثابتة.
- استخدام تقنيات مثل FIFO أو FEFO لتدوير المخزون بأفضل طريقة.
وربط المخزن ببرنامج إدارة مخزون رقمي زي DEXEF، اللي بيوفر لك تحكم لحظي وتقارير دقيقة تمنع أي تسرب في الموارد.
03- مخازن المشويات
كما ذكرنا سابقًا، برنامج DEXEF يمنحك تحكمًا كاملاً في مخزونك من خلال تقارير دقيقة تساعدك في:
- تقليل الهدر
- إدارة الكميات
- ومتابعة صلاحية المنتجات بكل سهولة وفعالية
5. 3 مكاسب هتشوفهم بعينك أول ما تهتم بمخزونك
كل خطوة بتعملها لتحسين إدارة المخزون بتنعكس عليك بشكل مباشر، وبسرعة. إحنا مش بنتكلم عن مكاسب على الورق، لا… دي نتائج هتحس بيها في الشغل، في الدرج، وفي تعليقات الزبائن.
1. هتشوف فلوسك بتتجمع مش بتتسرّب
أول فرق هتحس بيه؟
- إن المصاريف بتقل.
- والهدر بيختفي تدريجي.
- اللحمة ما بقتش تبوظ.
- التتبيلة بقت تتحضر بذكاء.
والكميات اللي بتشتريها بقت محسوبة. الفاقد اللي كان بيعدّي من غير ما تحس، دلوقتي بقى واضح… وتقدر توقفه.
وده معناه:
- تشتري أقل، لكن تشتغل أكتر
- توقف الهدر اللي كان بياكل في أرباحك
- والمكسب يبدأ يظهر حتى من غير ما تزود المبيعات
2. جودة أكلك هتثبت… والزبون هيرجعلك
لما الطعم يثبت… الزبون يثبت. إدارة المخزون مش بس أرقام وتواريخ، دي بتأثر على الطعم اللي بيطلع للزبون في الطبق.
لما اللحمة تكون محفوظة كويس، والتتبيلة معمولة من مكونات طازة ومضبوطة، النتيجة بتبان على الفحم… وبتبان أكتر في عيون الزبون.
الناس بترجع للمكان اللي بيدّيهم نفس الطعم كل مرة. وده مش هيحصل إلا لو كل حاجة ماشية بنظام… من المخزن للمطبخ.
3. هتشتغل وانت مرتاح… مش كل يوم أزمة
مش هتفضل كل شوية تدور:
- “فين الفراخ؟
- هو احنا طلبنا التتبيلة؟
- ليه الطحينة خلصت فجأة؟”.
لما نظام المخزون يكون محكم، هتعرف كل حاجة:
- إيه ناقص؟
- إيه راكد؟
- إيه لازم يترمي؟
- وإيه لسه شغال تمام؟
يعني الشغل بدل ما يكون ارتجال يومي وضغط، هيبقى إدارة واعية وثابتة. ودي راحة ما تتقدرش بفلوس.
القرار في إيدك. ابدأ من اليوم، نظم مخزونك صح، وشوف الفرق بنفسك. النجاح مش صدفة، لكنه نتيجة تخطيط صحيح وتطبيق مستمر.
الفرق الكبير بيبدأ دايمًا بخطوة بسيطة… وخطوتك دي هتحدد مستقبلك. الموضوع أبسط مما تتخيل، لكنه محتاج عينك عليه كل يوم.
فاكر السؤال اللي سألناه في أول المقال؟
“الفلوس راحت فين؟”
دلوقتي بقى عندك الإجابة… والباقي قرارك.
