أفكار برا الصندوق هتساعدك تزود مبيعات مواد البناء

1. الشراكة مع الحرفيين والمقاولين

المقاولين والصنايعية هم العمود الفقري لمبيعاتك، لأنهم بيشتروا بكميات كبيرة وبشكل متكرر. لو قدرت تكسبهم، مش بس هتضمن زبون دائم، ده كمان هيجيب لك عملاء جدد عن طريق التوصيات. ببساطة، بدل ما تبيع للفرد مرة، بيع للمقاول اللي هيشتري منك طول السنة.

 

إزاي تنفذ الفكرة؟

1.  حدد الصنايعية والمقاولين اللي تشتغل معاهم

• ابدأ بالبحث عن المقاولين والورش والصنايعية اللي بيشتغلوا في منطقتك.

تقدر تعمل ده من خلال:

• • زيارة المواقع اللي فيها بناء جديد والتواصل مع المقاولين هناك.
  • متابعة جروبات الفيسبوك والواتساب الخاصة بالصنايعية والمقاولين.
  • سؤال الزبائن الحاليين: تعرف صنايعي أو مقاول ممكن يحتاج خامات بكمية؟

2.  اعمل نظام تحفيزي للصنايعية والمقاولين

لازم يكون عندك عروض خاصة تحفزهم يشتروا منك بدل ما يروحوا لمنافسينك.

أمثلة:

• نظام النقاط: كل ما يشتري الصنايعي بـ10,000 جنيه مثلاً، يحصل على خصم 5% في الطلب اللي بعده.
• هدايا على المشتريات الكبيرة: لو حد اشترى بـ50,000 جنيه شهريًا، ياخد شنطة عدة أو تخفيض على الطلب الجاي.
• تسعير خاص للكميات: لو الصنايعي بياخد 10 شكائر أسمنت بدل 2، يقدر يحصل على سعر خاص مخفض.
• اشتراكات للمقاولين: ممكن تقدم لهم خدمة دفع شهري بحيث كل شهر يستلم الكمية اللي محتاجها بدون ما يدفع كل المبلغ مرة واحدة.

3.  وفر خدمات إضافية تميزك عن المنافسين

• توصيل سريع للمواقع: الحرفي مش دايمًا عنده وقت يجي ياخد الطلب بنفسه، لو قدرت توفر توصيل في نفس اليوم أو خلال 24 ساعة، هتبقى خيار مفضل.
• إمكانية الدفع الآجل للمقاولين الموثوقين: المقاولين أحيانًا عندهم مشاريع لسه مقبضوش فلوسها، لو قدرت توفر لهم نظام سداد مرن (مثلاً، دفع جزء مقدّم والباقي بعد شهر)، هيعتمدوا عليك أكتر.
• خدمة تجهيز الطلبات مسبقًا: الصنايعي مبيحبش يضيع وقته في الانتظار، لو قدرت تخليه يطلب على الواتساب أو التليفون وتجهز له الطلب قبل ما يوصل، هيشوفك محترف وهيفضّلك عن غيرك.

4.  ابنِ علاقة قوية معاهم

الصنايعي مش مجرد عميل، هو شريك نجاح، حافظ على علاقة كويسة معاه عن طريق:

• • الاتصال بيه كل فترة وسؤاله عن شغله واحتياجاته.
  • إرسال رسائل واتساب بعروض حصرية ليه.
  • دعوته لمعرضك أو تقديمه لزبائنك لو حد سأل عن صنايعي شاطر.

2. التسعير الذكي يضمن لك زياده في مبيعات مواد البناء

لو عملت تسعير ذكي لمواد البناء، هتقدر تجذب الزبائن بشكل أكبر لأنهم هيلقوا قيمة حقيقية مقابل السعر. التسعير الصح مش بس بيزود مبيعات مواد البناء ، ده كمان بيخليك تبرز بين المنافسين وتكسب ولاء العملاء.

 

إزاي تنفذ الفكرة؟

1.  اعرف تسعير السوق والمنافسين

• تابع أسعار المنافسين عشان تعرف المتوسط وتحدد السعر المناسب لمنتجاتك.
• متخليش تسعيرك ثابت طول السنة، لكن خليه مرن حسب العرض والطلب.
• راقب المنتجات اللي عليها طلب عالي وارفع سعرها شوية، وفي المقابل قلل السعر على المنتجات الراكدة لتصفيتها.

2.  حدد هامش ربح مناسب لكل منتج

ا. المنتجات الأساسية (مثل الأسمنت، الطوب، الرمل، الجبس):

• • لازم تكون أسعارها تنافسية جدًا، لأن الزبون ممكن يسأل عنها في أكتر من محل بسهولة.
  • خليك في هامش ربح من 5% إلى 10% عشان تجذب المقاولين والمشاريع الكبيرة.
  • ممكن تعوض الهامش البسيط ده بالبيع بكميات كبيرة.

ب. المنتجات التكميلية (مثل المسامير، البراغي، الأسلاك الكهربائية، المواسير، مواد العزل):

• • هامش الربح ممكن يكون أعلى، من 20% إلى 35%، لأن العميل مش بيدور على أرخص سعر زي المواد الأساسية.
  • ممكن توفر منتجات متنوعة بجودات مختلفة عشان يكون عندك رينج أسعار يغطي كل الفئات.

ج. المنتجات المتخصصة (مثل الأدوات الصحية، الدهانات، معدات الحفر، العدد اليدوية):

• • دي منتجات بتتباع ببطء، لكنها تحقق ربح عالي.
  • هامش الربح ممكن يكون بين 30% إلى 50%، لأن العميل هنا بيهتم بالجودة والخدمة أكتر من السعر.
  • تقديم ضمان أو توضيح الفرق بين المنتجات الغالية والرخيصة ممكن يقنع العميل يشتري بسعر أعلى.

3.  تنويع المنتجات وتوفير خيارات لكل ميزانية

الزبائن عندهم ميزانيات واحتياجات مختلفة، ولو وفرت لهم اختيارات متنوعة، هتضمن إن كل عميل يلاقي اللي يناسبه عندك بدل ما يدور في مكان تاني. كمان، وجود فئات مختلفة بيخليك تنافس في كل شريحة سعرية وتستهدف أنواع مختلفة من العملاء.

 

إزاي تنفذ الفكرة؟

1.  وفر 3 فئات سعرية لكل منتج

الفئة الاقتصادية (أرخص خيار):

موجهة لأصحاب الميزانيات المحدودة والمشاريع الصغيرة.

مثال: أسمنت محلي بجودة متوسطة، طوب عادي، دهانات اقتصادية.

هامش الربح قليل لكنه يبيع بكميات كبيرة.

الفئة المتوسطة (الأكثر طلبًا)

المنتجات اللي بتجمع بين السعر المناسب والجودة الجيدة، ودي اللي بيطلبها أغلب الزبائن.

مثال: أسمنت من شركة موثوقة، دهانات بجودة متوسطة، سيراميك عادي بسعر مناسب.

هامش الربح متوسط لكنه مضمون بسبب كثرة الطلب.

الفئة الفاخرة (أعلى جودة وسعر):

منتجات ممتازة موجهة لأصحاب الفيلات والمشاريع الكبيرة.

مثال: حديد مقاوم للصدأ، دهانات ضد البكتيريا، بلاط سيراميك مستورد.

هامش الربح عالي لكنه بيحتاج تسويق كويس لإقناع العميل.

2.  وفر منتجات مكملة لبعضها

• لو العميل بيشتري أسمنت وطوب، لازم توفر حديد تسليح، رمل، مواد عزل.
• اللي بيطلب أدوات سباكة، ممكن يحتاج مواسير، لاصق، عوازل، محابس.
• وفر حزم جاهزة بأسعار مخفضة تجمع أكتر من منتج مع بعض.

مثل

 

3.  اشتغل مع أكتر من مورد لضمان تنوع المنتجات

• متعتمدش على مورد واحد عشان تقدر توفر ماركات بأسعار مختلفة.
• تابع السوق واعرف المنتجات الجديدة اللي عليها طلب، وضيفها لمخزونك بسرعة.
• وفر منتجات حصرية مش موجودة عند المنافسين عشان تميز نفسك في السوق.

4.  نظم المنتجات بشكل واضح في المحل أو أونلاين

• في المحل: قسم المنتجات حسب الفئات السعرية، وخلي كل عميل يشوف كل الاختيارات المتاحة قدامه.
• على الإنترنت: لو عندك صفحة على الفيسبوك أو كتالوج واتساب، خلي التصنيف واضح عشان يسهل على العميل الاختيار.
• لو بتقدم استشارات، ساعد العميل يفهم الفرق بين الفئات عشان يختار الأنسب ليه.

4.  تحفيز العملاء للشراء المتكرر (نظام المكافآت والإحالات)

العملاء اللي بيرجعوا يشترو منك بشكل متكرر هما اللي هيدعموك علي المدى الطويل. لو وفرت لهم حوافز أو مكافآت على كل شراء، هيحسوا إنهم كسبوا حاجة ويرجعوا يشترو منك تاني.

كمان، نظام الإحالات بيشجع العملاء إنهم يكونوا مسوّقين لك من غير ما تدفع أي تكلفة إعلانية.

 

إزاي تنفذ الفكرة؟

1.  طبق نظام نقاط المكافآت

• حدد قيمة النقاط: كل ما يشتري العميل قيمة أكبر، ياخد نقاط، والنقاط دي تتحول إلى خصومات أو هدايا.

مثال:

 

• خلّي النظام بسيط وسهل للعميل، زي نقاط تُضاف تلقائيًا للفاتورة بدون تعقيد.
• مراقبة النقاط: استخدم نظام متابعة تلقائي (من خلال برنامج محاسبة  زي dexef ) ليتتبع العملاء ويعرفوا كم نقطة عندهم.
• تسويق المكافآت: خلي الزبائن يعرفوا النظام ده بسهولة، اعمل إعلانات داخل المحل أو عبر وسائل التواصل الاجتماعي: كل 100 جنيه اشترتها، احصل على 5 نقاط!.

2.  اعمل نظام إحالات

نظام الإحالات يعني إنك تشجع الزبائن الحاليين على جلب زباين جدد، وبتعطيهم مكافآت أو خصومات لما يجيبوا شخص يشتري من عندك. كأنك بتقولهم لو جبت حد معاك واشتري، هتكسب حاجة.

ازاي تنفذ نظام الاحالات ؟ 

• • حط كود خصم فريد لكل عميل (على الفاتورة أو عبر الإيميل)، بحيث يعرف العميل إن الشخص اللي جابه هو اللي حصل على المكافأة.
  • استخدم الواتساب أو الرسائل النصية عشان ترسل للعملاء تفاصيل برنامج الإحالات: دعي 3 من أصدقائك لشراء مواد بناء واحصل على هدية!.

اجعل المكافآت جذابة: خلي المكافآت مغرية عشان العميل يشعر بحوافز قوية لجلب عملاء جدد. زي خصم على المشتريات، هدايا قيمة، أو حتى خدمة توصيل مجانية.

3.  عروض حصرية للزبائن الدائمين

خلي العميل يشعر إنه مميز وبيحصل على قيمة أكتر.

• • عروض شهرية للزبائن الدائمين: اعرض خصومات على الفاتورة الشهرية أو توصيل مجاني على طلبات بمبالغ معينة.

مثال:

 

• • أحداث خاصة: مثلاً لو عندك يوم الزبائن المميزين وتقدم خصومات أو هدايا خاصة للمشترين الدائمين.
  • لما تكون عندك مشاريع كبيرة أو خاصة، قدم عروض حصرية للمقاولين: كل مقاول اشترى مواد بناء بأكثر من 50,000 جنيه، هيحصل على توصيل مجاني أو خصم إضافي.

4.  كروت الخصم والعروض المسبقة

• كروت خصم: وزّع كروت خصم للعملاء بعد كل عملية شراء. الكروت دي تكون صالحة لمدة 30 يوم فقط، لزيادة الحافز للعودة للمحل في فترة قصيرة.

مثال:

 

• عروض الموسم: قدّم عروض محدودة مثل:

خلال أسبوع واحد، كل زبون يشتري مواد بحد أدنى 10,000 جنيه يحصل على خصم 5% في المرة القادمة.

• خلي العملاء يحسوا إن العروض دي محدودة عشان يتحفزوا للشراء بسرعة.

راسل العملاء عبر واتساب أو إيميل بإعلامهم بالعروض الخاصة أو كروت الخصم.

5. خدمة العملاء الممتازة و السمعة = مزيد من مبيعات مواد البناء

السمعة الجيدة وخدمة العملاء الممتازة هما اللي بيخلو الزبائن يفضلوا يشتروا منك مرة تانية. العميل اللي بيشعر إنه محترم ومقدر هيحكي عن تجربته للآخرين وده هيزيد لك عملاء جدد من خلال التوصيات. كمان، لو الزبون عنده مشكلة وحلّيتها بسرعة، هيشعر بالولاء تجاه المحل ويستمر في التعامل معك.

 

إزاي تنفذ الفكرة؟

1. استمع لعملائك وحل مشكلاتهم بسرعة

1. أول ما العميل يواجه أي مشكلة، سواء كانت عن المنتج أو الخدمة، خلي عندك نظام استجابة سريع لحلها.

تواصل مباشر: خلي عندك وسيلة تواصل مباشرة مع العملاء سواء على الواتساب أو التليفون.

حل المشكلة في أقل وقت ممكن: لو في منتج تالف أو فيه خطأ في الطلب، حاول تعالج المشكلة في نفس اليوم.

1. فهم احتياجات العملاء: اسأل العملاء عن رأيهم في المنتجات أو الخدمة اللي قدمتها ليهم، ده بيساعدك تحسن وتطور بشكل مستمر.

2 تدريب فريق العمل على خدمة العملاء

1. خلي فريق العمل عندك مدرب على التعامل مع العملاء بشكل محترف، زي:

الابتسامة على الهاتف أو وجهًا لوجه.

الاستماع الجيد لمشاكل العملاء وتقديم حلول سريعة.

1. لازم يكونوا على دراية بكل تفاصيل المنتجات عشان يجاوبوا على استفسارات الزبائن بسرعة ودقة.

3 تطوير علاقات شخصية مع العملاء الدائمين

• خلي العلاقة مع الزبون مش مجرد بيع وشراء، ولكن خلي العميل يشعر إنه مهم بالنسبة لك.

اتصل به بشكل دوري، حتى لو كان عبر رسالة على واتساب: إزاي حالك؟ هل كل شيء تمام مع المنتج اللي اشتريته؟

لو الزبون عنده مشروع مستمر، قدم له نصائح وتوجيهات مجانية تتعلق بالمنتجات اللي بيشتريها.

4 تحسين سمعتك عبر الإنترنت

في الزمن ده، كتير من الناس بتدور على التقييمات قبل ما يشتريوا.

• • خلي عندك نظام تقييم على الإنترنت بحيث العملاء يقدروا يكتبوا آراءهم ويشاركوا تجربتهم مع المحل.
  • شجع الزبائن إنهم يكتبوا تعليقات على صفحتك على فيسبوك أو مراجعات على جوجل، خصوصًا لو عندك تقييمات إيجابية.
  • الرد على التعليقات السلبية بأدب وبسرعة، وحاول تعالج أي مشكلة علشان ما تسيبش انطباع سلبي عند الزبون.

6. تسويق مواد البناء عبر الإنترنت والإعلانات المحلية

تسويق مواد البناء عبر الإنترنت بيخليك توصل لأكبر عدد من الزبائن في وقت قصير، خصوصًا مع تزايد استخدام الناس للإنترنت في البحث عن أفضل الأسعار والخدمات. لو ركزت على التسويق الإلكتروني، هتوصل لعملاء من مناطق مختلفة وتقدر تعرض منتجاتك بشكل واضح .

 

إزاي تنفذ الفكرة؟

1. تواجد على منصات السوشيال ميديا

ا. إنشاء حسابات على فيسبوك وإنستغرام:

• • لو مش عندك حسابات على السوشيال ميديا، دي أول خطوة. بما أن فيسبوك هو المنصة الأكثر استخدامًا في منطقتنا، فهو الأنسب لعرض منتجاتك.
  • إنشاء صفحة عمل على فيسبوك وحساب إنستغرام بيسمح لك تعرض صور منتجاتك، عروضك، وتفاعل مع عملائك.

ب. محتوى مرئي جذاب:

• • استخدم صور عالية الجودة وفيديوهات قصيرة للمنتجات بتاعتك. مثلًا، صور الطوب، الأسمنت، أو الدهانات أثناء الاستخدام، وده يخلي الزبون يتخيل نفسه وهو بيستخدم المنتج.
  • نشر محتوى تعليمي زي نصائح للتعامل مع المواد بشكل صحيح أو كيفية استخدامها في مشاريع البناء. ده بيعزز الثقة ويزيد من الاهتمام.
  • نظم حملات تفاعلية زي أرسل لنا صورة مشروعك، أو إزاي استخدمت منتجاتنا في البناء؟ بحيث العملاء يشاركوا تجاربهم معك.

2. استخدم الإعلانات المدفوعة بشكل ذكي

ا. إعلانات موجهة على فيسبوك وإنستغرام:

• • تقدر تجهز إعلانات موجهة بتستهدف فئات محددة. أهم حاجة في الإعلان هو التوجيه الصحيح للناس اللي فعلاً بتحتاج لمنتجاتك.
  • مثلا، لو عندك عروض على الأسمنت والطوب، استهدف الناس اللي موجودين في مناطق بها مشاريع بناء أو اللي بيبحثوا عن تجديد منازل.
  • جرب الإعلانات المدفوعة مع اختبار A/B (اختبار النسخ المختلفة للإعلانات) عشان تشوف الإعلانات اللي بتجيب نتائج أفضل.

ب. إعلانات جوجل المحلية:

• • جوجل عنده خاصية تسمح لك تستهدف البحث المحلي. بمعنى لو شخص كتب محلات مواد بناء في [اسم مدينتك]، إعلانك هيظهر له.
  • لازم تكتب عنوان محل مميز مع وصف بسيط للمنتجات، زي أسمنت عالي الجودة، طوب بسعر منافس، توصيل سريع.
  • حافظ على الكلمات المفتاحية المرتبطة بمبيعاتك زي أسمنت، طوب، أدوات بناء عشان تظهر في نتائج البحث اللي بتهم الزبائن.

3. التفاعل مع العملاء عبر الرسائل المباشرة

ا. استخدام واتساب وفيسبوك ماسنجر كقنوات تواصل:

• • خلي الواتساب أو ماسنجر وسيلة سهلة للعميل للتواصل معك مباشرة. ده بيخلي العميل يشعر إنه فيه تفاعل فوري معك.
  • مفيش حاجة أفضل من الرد السريع على استفسارات العملاء سواء عن الأسعار أو توفر المنتجات. العميل لما يلاقي رد سريع، ده بيزود ثقته فيك.
  • ضع رابط الواتساب على فيسبوك أو إنستغرام عشان العميل يقدر يتواصل معك فورًا من خلال تطبيقه المفضل.

ب. إجابة فورية على استفسارات:

• • خلي عندك أجوبة سريعة للمنتجات الأكثر استفسارًا (مثل الأسعار، الكميات المتاحة، شروط التوصيل). لو العميل يسأل على سعر الأسمنت، خلي الجواب جاهز.

4. استفد من الإعلانات المحلية في جوجل

إعلانات جوجل المحلية هي إعلانات بتظهر للأشخاص القريبين من محلك أو اللي بيبحثوا عن خدمات مشابهة ليك في منطقتك. يعني بتساعدك توصل لناس عايشين في نفس المنطقة أو عايزين يزوروا محلك.

• • جوجل بيتيح لك تصفية النتائج حسب الموقع الجغرافي، فيمكنك تحديد المنطقة التي تستهدفها، مثلًا: المناطق القريبة من [اسم مدينتك] أو داخل [أحياء معينة].
  • اكتب عناوين وعروض موجهة محليًا،: أسمنت بسعر مميز في [اسم منطقتك]، توصيل مجاني لأصحاب المشاريع. ده بيخلي الإعلان يصل للعملاء اللي هم بحاجة مباشرة لمواد البناء في منطقتك.

 

7. العروض والتخفيضات الذكية سلاحك لزيادة مبيعات مواد البناء

العروض والتخفيضات طريقة ممتازة عشان تزود المبيعات بسرعة. لما تقدم عرض مغري، ده بيخلي الزبائن ياخدوا قرار الشراء بسرعة ويدخلوا عندك. العروض ممكن تساعدك كمان إنك تحرك المخزون وتبيع كميات أكبر في وقت قليل.

 

إزاي تنفذ الفكرة؟

1. تحديد نوع العروض المناسبة

1.  عروض تخفيضات على الكميات الكبيرة :

⚡️ اشترِ 5 منتج وخد خصم 10% أو اشترِ 10 قطع طوب واحصل على 15% خصم. ده بيشجع الناس تشتري أكتر علشان يحصلوا على خصم.

2. عروض شراء مع هدايا :

⚡️اشترِ 10 أكياس أسمنت وخد هدية صغيرة أو عند شراء منتج بــ 2000 جنيه، هدية مجانية. الهدية دي بتكون محفز للشراء.

3. عروض محدودة بزمن :

⚡️ خصم 15% اليوم فقط أو خصم 20% لمدة 3 أيام فقط. العرض المحدود بيخلي الناس يستعجلوا في اتخاذ قرار الشراء.

4. عروض موسمية :

⚡️ خصم 25% في موسم الصيف أو عروض العيد بخصم 10%. العروض دي بتكون مرتبطة بمواسم معينة زي الأعياد أو فترة الصيف.

5. عروض للمقاولين والشركات :

⚡️ خصم خاص للمقاولين اللي بيشتروا كميات ضخمة. الشركات الكبرى اللي بتشتري كميات كبيرة بيحبوا العروض اللي تستهدفهم بشكل خاص.

6. نظام اشترِ واحد، خذ الثاني بنصف السع :

⚡️ شترِ 1 منتج وخد الثاني بنصف السعر ده بيعزز من فكرة شراء أكتر بأسعار أرخص.

7. عروض التوصيل المجاني :

⚡️ توصيل مجاني للمشتريات فوق 1500 جنيه. التوصيل المجاني بيعطي الناس حافز للشراء بكميات أكبر.

8. عروض موجهة للمشاريع الكبرى:

⚡️ خصم للمشاريع الضخمة أو المقاولين اللي بيشتروا بشكل مستمر. زي خصم خاص للمشاريع الكبرى أو المقاولين اللي يشتروا بكميات ضخمة.

2.  ترويج العروض بطريقة فعّالة

 ا. التسويق عبر السوشيال ميديا:

استخدم فيسبوك، إنستغرام، وواتساب للتسويق لعروضك. خلي الزبائن يعرفوا العروض من خلال صور جذابة و تفاصيل واضحة.

 ب. الإعلانات المحلية:

لو عندك محل في منطقة معينة، اعتمد على الإعلانات المحلية في جوجل أو وزع منشورات دعائية في المناطق القريبة منك.

 ج. إعلانات عبر البريد الإلكتروني:

لو عندك قاعدة بيانات من الزبائن، استخدم البريد الإلكتروني عشان تبعت لهم العروض، مثلا خصم 20% لعملائنا المميزين.

 د. الخصومات على التطبيقات:

لو بتبيع عبر منصات زي سوق أو جوميا، ممكن تقدم خصومات خاصة فقط للعملاء اللي بيشتروا من المنصات دي.

3. تقديم عروض موجهة للمشاريع الكبرى

ا. خصومات خاصة للمشاريع الكبيرة :

خصم خاص للمقاولين اللي يشتروا أكتر من 5000 قطعة طوب. المقاولين عادة بيحتاجوا كميات ضخمة وده هيكون عرض مغري ليهم.

ب. خدمات إضافية مثل التوصيل المجاني أو التخزين المجاني :

قدم توصيل مجاني أو تخزين مجاني للمشاريع الكبرى اللي بتشتري بشكل مستمر، ده هيساعدك تبني علاقة طويلة معهم.

اعرف كيف يساعدك DEXEF في ادارة مبيعات محلات مواد البناء

1. إدارة مبيعات مواد البناء بسهولة ومرونة

DEXEF بيسهل عليك تسجيل مبيعات مواد البناء بسرعة، وده هيساعدك تتابع كل عملية بيع لحظيًا بدون تعقيد. كده تقدر تركز على زيادة مبيعاتك بدل ما تضيع وقتك في التنظيم.

• تسجيل مبيعات مواد البناء بسرعة
• تحديث المخزون تلقائيًا
• متابعة أداء الموظفين

 

2. تحليل مبيعات مواد البناء واتخاذ قرارات ذكية

مع DEXEF، هتقدر تتابع مبيعات مواد البناء وتحليلها بشكل دقيق. ده هيساعدك تحدد المنتجات الأكثر مبيعًا وتزود المبيعات استنادًا على بيانات حقيقية.

• تقارير مبيعات مواد البناء التفصيلية
• معرفة المنتجات الأكثر طلبًا
• تحليل سلوك العملاء
• تحسين استراتيجيات البيع

 

3. إدارة مخزون مواد البناء بكل سهولة

DEXEF هيساعدك تتابع مخزون مواد البناء بدقة، عشان تقدر تأمن المبيعات من غير ما يكون عندك نقص أو زيادة في المخزون. ده هيسهل عليك تلبية طلبات الزباين.

• تحديث المخزون لحظيًا
• تنبيهات عند نفاد مواد البناء
• تقارير عن المواد المتاحة
• تحديد الكميات المطلوبة

 

4. مواكبة أحدث العروض والتخفيضات على مواد البناء

مع DEXEF، تقدر تعمل عروض وتخفيضات لمنتجات مواد البناء بكل سهولة. ده هيساعدك تجذب الزباين وتخلي المحل دايمًا في المقدمة.

• إنشاء العروض الترويجية لمواد البناء
• تحديد تواريخ العروض
• متابعة تأثير العروض على المبيعات
• جذب عملاء جدد خلال العروض

 

الاسئلة الشائعة حول مبيعات مواد البناء

إزاي أزود مبيعات مواد البناء في المحل بتاعي؟

علشان تزود مبيعاتك، لازم تركز على توفير منتجات متنوعة وبأسعار تنافسية. كمان، العروض والتخفيضات بتشجع الزبائن على الشراء بكميات أكبر. من المهم كمان التسويق الجيد، سواء على السوشيال ميديا أو من خلال اللوحات الإعلانية في المنطقة المحيطة.

هل التسويق على الإنترنت مهم لمبيعات مواد البناء؟

أكيد، التسويق على الإنترنت بيوصل لعدد أكبر من الزبائن، سواء من نفس المنطقة أو أماكن بعيدة. تقدر تعرض منتجاتك بوضوح وتعمل عروض خاصة لزيادة المبيعات. السوشيال ميديا كمان بتساعد في بناء سمعة قوية للمحل وجذب زبائن جدد.

إزاي أتعامل مع التقلبات في أسعار مواد البناء؟

لازم تتابع الأسعار باستمرار وتكون مرن في تحديد التسعير. من الأفضل تبني سياسة تسعير مرنة بحيث تقدر تكسب الزبائن وتظل محافظ على هامش ربحك. كمان، ممكن استخدام العروض الترويجية لتشجيع الزبائن على الشراء في أوقات التقلبات.